İranda zəlzələ nəticəsində xəsarət alanların sayı 76-ya çatıb - YENİLƏNİB-2

Bakı. 2 may. REPORT.AZ/ İranda baş verən zəlzələ nəticəsində xəsarət alanların sayı 76-ya çatıb. 

“Report” "RİA Novosti”yə istinadən xəbər verir ki, bunu İranın fövqəladə hallar təşkilatının nümayəndəsi Müctəba Xalidi bildirib.

*** 12:05

İranda baş verən zəlzələ nəticəsində azı 30 nəfər xəsarət alıb.

“Report” xəbər verir ki, məlumatı “PressTV” yayıb.

Yeraltı təkanlar nəticəsində Siseht rayonunun mərkəzində bəzi binalara zərər dəyib.

*** 10:36

İranda 5,2 bal gücündə zəlzələ olub.

“Report” İran KİV-inə istinadən xəbər verir ki, məlumatı Tehran Universiteti Seysmoloji Mərkəzi yayıb.

Təbii fəlakət ölkənin cənub-qərbində yerləşən Kohgiluye və Buyer Əhməd əyalətlərinin Siseht rayonunda baş verib. Yeratlı təkanın ocağı 8 km. dərinlikdə yerləşib.

Zəlzələ nəticəsində ölən, xəsarət alan və dağıntılar barədə hələlik məlumat yayılmayıb.