İranda şaxtada partlayış olub, 50-yə yaxın insan dağıntılar altında qalıb

Bakı. 3 may. REPORT.AZ/ İranın şimal-qərbində kömür mədənində partlayış olub.

"Report" RİA "Novosti"yə istinadən xəbər verir ki, Gülüstan əyalətinin Fövqəladə Hallar İdarəsinin rəhbəri Sadiq Əli Mokaddam hadisə nəticəsində 40-50 nəfərin dağıntılar altında qaldığını güman etdiyini bildirib.

Yerli KİV-in məlumatına görə, hadisə Gülüstan əyalətində Azadşəhr şəhəri yaxınlığında gündüz saatlarında baş verib.