İran və Rusiya XİN başçıları Venesuela məsələsini müzakirə ediblər

Bakı. 28 yanvar. REPORT.AZ/ İranın xarici işlər naziri Məhəmməd Caval Zərif və rusiyalı həmkarı Sergey Lavrov telefonla Venesueladakı son vəziyyətə, habelə ikitərəfli əməkdaşlığa dair müzakirələr aparıblar.

“Report” Rusiya XİN-in saytına istinadən xəbər verir ki, İran tərəfinin təşəbbüsü ilə keçirilən söhbət zamanı tərəflər Venesuelada daxili əmin-amanlığı təmin etmək və aktual sosial iqtisadi məsələləri tezliklə həll etmək naminə ölkənin məsul siyasi qüvvələri arasında qarşılıqlı anlaşmaya nail olmaq üçün qarşılıqlı səy göstərməyə hazır olduqlarını ifadə ediblər.