Bakı. 24 fevral. REPORT.AZ/ İngiltərənin İrandakı səfirliyinin konsulluq xidməti fəaliyyətə başlayıb.
"Report" İran KİV-inə istinadən xəbər verir ki, bunu İslam Respublikası Xarici İşlər Nazirliyinin sözçüsü Sadiqhüseyn Cabiri-Ənsari bildirib.
Onun sözlərinə görə, konsulluq xidməti fevralın 24-dən fəaliyyət göstərməyə başlayıb.
Qeyd edək ki, İranla Britaniya arasında diplomatik münasibət 2011-ci ildə kəsilmişdi. Həmin ilin noyabrında krallığın Tehrandakı səfirliyinə basqın olmuşdu.