İki erməninin qətlində şübhəli bilinən Ermənistan vətəndaşı Moskva ətrafnda tutulub

Bakı. 7 aprel. REPORT.AZ/ İki nəfərin qətlində şübhəli bilinən Ermənistan vətəndaşı Moskvaətrafı Lenin rayonunda tutulub.

“Report” “İnterfax”a istinadən xəbər verir ki, bu barədə Rusiya İstintaq Komitəsi Regional İdarəsinin mətbuat xidməti məlumat yayıb.

Bildirilib ki, əvvəllər dəfələrlə mühakimə olunmuş 35 yaşlı şübhəli aprelin 3-də iki ermənini öldürərək, onların meyitlərini “Mersedes” markalı avtomobilin yük yerinə yerləşdirib. Onlardan biri  Ermənistan vətəndaşı Xorem Marqaryan, o biri isə Abxaziyada anadan olmuş, erməni mənşəli Mikael Lalayandır. Meyitlərin üzü və bədənindəki yaralara əsasən, qətlə yetirilməzdən əvvəl onlara işgəncə verilib.