Gürcüstanın Baş naziri Ermənistanın Təhlükəsizlik Şurasının katibi ilə regional dialoqu müzakirə edib

"Gürcüstan iqtisadiyyat, ticarət, mədəniyyət və digər sahələrin inkişafı üçün regional dialoqa töhfə verməyə hazırdır".

“Report”un yerli bürosu xəbər verir ki, bu, Gürcüstanın Baş naziri İrakli Qaribaşvilinin Ermənistanın Təhlükəsizlik Şurasının katibi Armen Qriqoryanla görüşündə ifadə olunub.

Tərəflər İ.Qaribaşvilinin regionda dialoq üçün önəmli platforma kimi “Dinc qonşuluq təşəbbüsü”nü müzakirə ediblər.

Görüşdə Gürcüstan və Ermənistan arasında mehriban qonşuluq münasibətləri və gələcək əməkdaşlığın istiqamətləri də nəzərdən keçirilib.