Gürcüstanın azərbaycanlılar yaşayan kəndində epidemioloji vəziyyət yaxşılaşıb

Gürcüstanın Bolnisi rayonunun azərbaycanlılar yaşayan Muşevani (Dəllər) kəndində epidemioloji vəziyyət yaxşılaşıb.

“Report”un yerli bürosu xəbər verir ki, ötən gün 66 kənd sakininin koronavirusla bağlı götürülən test nümunələri neqativ nəticələnib.

Yaxın günlərdə Muşevanidə aprelin 25-dən etibarən davam edən sərt karantin rejiminin ləğv olunacağı gözlənilir.

Qeyd edək ki, indiyədək kənddə 80 nəfərdə COVID-19 virus infeksiyası təsdiqlənib.