Gürcüstanda son sutkada koronavirusdan 81 nəfər ölüb

Gürcüstanda ötən sutkada koronavirusa 3 700 yeni yoluxma faktı qeydə alınıb, 5 277 nəfər müalicə olunaraq sağalıb, 81 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Hazırkı dövrədək qonşu ölkədə COVID-19 infeksiyasına 784 091 nəfər yoluxub. Onların 716 382-si sağalıb, 10 975-i isə ölüb.