Gürcüstanda son sutkada koronavirusdan 60 nəfər ölüb

Gürcüstanda ötən sutkada daha 2 103 nəfərə koronavirus diaqnozu qoyulub, 60 pasiyent vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Məlumata əsasən, daha 1 553 nəfər müalicə olunaraq sağalıb.

Hazırkı dövrədək qonşu ölkədə COVID-19 infeksiyası 936 844 nəfərdə aşkarlanıb. Onların 896 868-i sağalıb, 13 860-ı isə ölüb.