Tbilisi. 28 dekabr. REPORT.AZ/ Gürcüstanda pirotexniki vasitələrdən istifadə nəticəsində 25 nəfər müxtəlif dərəcəli yanıq xəsarətləri alıb.
“Report”un Gürcüstan bürosunun verdiyi xəbərə görə, xəsarət alanlar Yanıq Mərkəzinə müraciət ediblər.
Onların böyük əksəriyyətini 6-12 yaş arasında olan uşaqlar təşkil edir.
Yanıq Mərkəzindən pasiyentlərin ciddi xəsarət almadığı bildirilib. Onlar ambulator müalicə aldıqdan sonra evə buraxılıblar.
Qeyd edək ki, Gürcüstan parlamentində yeniyetmələrə pirotexniki vasitələrin satışına görə qadağa və cəriməni nəzərdə tutan qanun layihəsi müzakirə olunur.