Gürcüstanda "Omikron"a yoluxma halları qeydə alınıb

Gürcüstanda koronavirusun yeni “Omikron” stamına iki yoluxma faktı təsdiqlənib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.

Onun sözlərinə görə, yeni ştamın aşkarlandığı şəxslər Gürcüstan vətəndaşlarıdır: “Onlardan biri Dubay, digəri isə ABŞ-dan gəlib. Hər ikisi təcrid olunub, təmasda olduqları 26 nəfərlə bağlı araşdırmalar aparılır”.