Gürcüstanda “Omikron”a yoluxanların sayı 150-yə yaxınlaşır

Hazırkı dövrədək Gürcüstanda koronavirusun “Omikron” ştamına 144 yoluxma halı təsdiqlənib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Qeyd edək ki, qonşu ölkədə COVID-19-un mutasiyaya uğramış yeni ştamına ilk yoluxma halı dekabrın 20-də qeydə alınıb.