Gürcüstanda koronavirusa yoluxanların sayı 430-u ötdü

Gürcüstanda daha 6 nəfərdə koronavirus aşkarlanıb.

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Bununla da COVID-19 infeksiyasına yoluxanların sayı 431-ə çatıb. Onların 114-ü sağalıb, 5-i isə ölüb.

Hazırda karantində 5 126, stasionar nəzarətdə isə 578 nəfər saxlanılır.