Gürcüstanda koronavirusa yoluxanların sayı 350 mini ötüb

Gürcüstanda ötən sutkada koronavirusa 1 023 yeni yoluxma halı təsdiqlənib, 510 nəfər müalicə olunaraq sağalıb, 17 pasiyent ölüb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Hazırkı dövrədək qonşu ölkədə COVID-19-a 350 428 nəfər yoluxub, onların 335 029-u sağalıb, 4 951-i vəfat edib.

Son 24 saat ərzində 29 517 test yoxlaması həyata keçirilib.