Gürcüstanda koronavirusa yoluxanların sayı daha 1 271 nəfər artıb

Gürcüstanda ötən sutkada koronavirusa 1 271 yeni yoluxma halı qeydə alınıb, 11 nəfər vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19 infeksiyasına yoluxanların ümumi sayı 301 535-ə, ölənlərin ümumi sayı isə 3 992-yə çatıb.

Son 24 saat ərzində xəstəlikdən sağalanların sayı 729 nəfər artaraq 284 286 olub.