Gürcüstanda koronavirusa daha 1 530 yoluxma halı təsdiqlənib, 23 nəfər ölüb

Gürcüstanda son sutkada koronavirusa 1 530 yeni yoluxma halı təsdiqlənib, 23 nəfər vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Bununla da qonşu ölkədə indiyədək COVID-19-a yoluxanların sayı 634 206-ya, ölənlərin sayı isə 9 269-a yüksəlib.

Ötən 24 saat ərzində 1 848, ümumilikdə isə 602 372 nəfər müalicə olunaraq sağalıb.