Gürcüstanda koronavirusa 4 318 yeni yoluxma qeydə alınıb, 70 nəfər ölüb

Gürcüstanda ötən sutkada daha 4 318 nəfərin koronavirusa yoluxduğu müəyyən olunub, 70 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Gürcüstanda indiyə qədər COVID-19-a 808 889 yoluxma halı təsdiqlənib. Yoluxanların 11 422-si ölüb.

Son 24 saat ərzində müalicə olunaraq sağalanların sayı 2 457 nəfər artaraq 743 927-yə yüksəlib.