Tbilisi. 12 noyabr. REPORT.AZ / Gürcüstanın İmereti bölgəsinin Zekari kəndi ərazisində noyabrın 10-dan etibarən davam edən meşə yanğınını aradan qaldırmaq mümkün olmayıb.
“Report”un Gürcüstan bürosunun verdiyi xəbərə görə, bu gün səhər saatlarında yanğının söndürülməsi üzrə işlər bərpa olunub.
Yanğının söndürülməsinə 200-ə yaxın yanğınsöndürən cəlb olunub. İlkin məlumatlara görə, 5 hektar sahə yanıb. Yanğının bu gün lokallaşdırılacağı gözlənilir.
Yanğının yaşayış məntəqələrinə doğru yayılması təhlükəsi yoxdur.
Faktla bağlı qəsdən yanğın törətmə maddəsi üzrə cinayət işi açılıb.