Gürcüstanda beynəlxalq narkotik cinayəti ilə bağlı faktın üstü açılıb.
“Report”un yerli bürosu xəbər verir ki, bu barədə Gürcüstanın Daxili İşlər Nazirliyi məlumat yayıb.
Beynəlxalq əməkdaşlıq çərçivəsində aparılan əməliyyat-axtarış tədbirləri nəticəsidnə 2001-ci il təvəllüdlü şəxs saxlanılıb. O, narkotik vasitələrin qanunsuz əldə edilməsi və saxlanılnmasında ittiham olunur.
Həmin şəxsdən “Alfa- PVP” və “Mefedron” narkotik vasitələri maddi sübut kimi müsadirə edilib.
İstintaqla müəyyən olunub ki, 20 yaşlı gənc narkotik vasitələri satmaq üçün Ermənistandan əldə edib. Onu 6 ilədək azadlıqdan məhrum etmə cəzası gözləyir.