Gürcüstanda daha 740 nəfər koronavirusa yoluxub

Gürcüstanda son sutkada daha 740 nəfərin koronavirusla bağlı testi pozitiv nəticələnib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Beləliklə, qonşu ölkədə hazırkı dövrədək COVID-19-a yoluxanların sayı 266 462 nəfərə çatıb.

Son 24 saat ərzində daha 496 nəfər müalicə olunaraq sağalıb, 14 pasiyent isə vəfat edib. Sağalanların sayı 259 228-ə, dünyasını dəyişənlərin sayı isə 3 377-yə yüksəlib.