Gürcüstanda daha 4 314 nəfər koronavirusa yoluxub, 35 nəfər ölüb

Gürcüstanda son sutkada daha 4 314 nəfərin koronavirusla bağlı testi pozitiv nəticələnib, 35 nəfər vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Ötən 24 saat ərzində daha 4 519 nəfər sağalaraq evə buraxılıb.

Qonşu ölkədə COVID-19 infeksiyasına yoluxanların ümumi sayı 481 578 nəfər təşkil edir. Onların 421 532-si sağalıb, 6 406-sı dünyasını dəyişib.

Aktiv xəstə sayı 53 614 nəfərdir.