Gürcüstanda daha 20 nəfər koronavirusdan ölüb

Gürcüstanda son sutkada koronavirusa 475 yeni yoluxma halı təsdiqlənib, 20 nəfər ölüb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək COVID-19-a yoluxanların sayı 1 641 874-ə, vəfat edənlərin sayı isə 16 663-ə yüksəlib.

Son bir gündə 1 507, ümumilikdə isə 1 598 286 nəfər müalicə olunaraq sağalıb.