Gürcüstanda ali təhsil alan əcnəbilərin ölkəyə giriş qaydaları açıqlanıb

Gürcüstan ərazisinə daxil olmaq üçün icazə alan xarici tələbələr karantin və PCR testlə bağlı xərcləri öz hesablarına ödəməli olacaqlar.

“Report”un yerli bürosu xəbər verir ki, bu barədə Gürcüstan hökuməti qərar qəbul edib. 

Qərara əsasən, əcnəbi tələbələr Gürcüstana getmək üçün www.stopcov.ge saytında xüsusi müraciət formasını doldurmalıdırlar. Bundan sonra onlar Gürcüstanın Təhsil, Elm, Mədəniyyət və İdman Nazirliyindən razılıq və ya imtina cavabı alacaqlar.