Gürcüstanda ABŞ dollarının bahalaşması sürətləndi

Gürcüstanda ABŞ dolları və avronun milli valyuta olan lariyə qarşı bahalaşması sürətlənib.

“Report”un yerli bürosu xəbər verir ki, ölkənin Milli Bankının martın 13-nə müəyyən etdiyi rəsmi məzənnəyə əsasən, 1 dolların dəyəri 2,9494 lari təşkil edəcək.

Bugünkü məzənnə ilə müqayisədə xarici valyuta 0,0703 lari bahalaşıb.

Avronun da dəyəri artıb. Belə ki, sabah 1 avro 3,3145 lariyə bərabər olacaq. Xarici valyutanın dəyəri günlük müqayisədə 0,0554 lari artıb.