Gürcüstan parlamentində təmsil olunan bitərəf deputatlar fraksiya yaradıblar.
“Report”un yerli bürosu xəbər verir ki, fraksiyaya Levan Koberidze, Gedevan Popxadze, Koba Narçemaşvili, Levan Qoqiçaişvili, Mariam Caşi və Zviad Kvaçantiradze üzv olublar.
L.Koberidze bildirib ki, fraksiya “Müstəqil deputatlar” adlanacaq və M.Caşi sədr olacaq.
Qeyd edək ki, Gürcüstan parlamentində hazırda altı fraksiya var. M.Caşi parlamentin Təhsil, elm və mədəniyyət komitəsinin keçmiş sədridir.