Tbilisi. 7 fevral. REPORT.AZ/ Gürcüstan parlamentinin bugünkü iclasında deputat Savalan Mirzəyev yerli azərbaycanlıları narahat edən bir neçə problemli məsələləri qaldırıb.
“Report”un Gürcüstan bürosunun verdiyi xəbərə görə, qanunverici orqanda ölkənin təhsil, elm, mədəniyyət və idman naziri Mixeil Batiaşvili rəhbərlik etdiyi qurumun hesabatını təqdim edib.
M.Batiaşvilinin çıxışından sonra S.Mirzəyev yerli azərbaycanlıların təhsil və mədəniyyəti ilə bağlı problemlər və icmanı narahat edən məsələləri nazirin diqqətinə çatdırıb: “Hesabatınızı çox diqqətlə dinlədim. Təəssüflər olsun ki, çıxışınızda qeyri-gürcü dilli məktəblər haqqında konkret addımlarınızı açıqlamadınız. Bildirmək istəyirəm ki, hazırda bölgəmizdə onlarla qeyri-gürcü dilli məktəbin direktoru yoxdur və bu, böyük problemdir”.
Deputat uzun illərdir acınacaqlı vəziyyətdə olan
S.Mirzəyev çıxışının sonunda milli azlıqların ali məktəblərə qəbulu üçün nəzərdə tutulmuş “1+4” proqramı barədə də danışıb: “Bu proqram haqqında da bizə məlumat verməyinizi xahiş edirik. Buraxılış imtahanlarının ləğvi əhalidə bir çox suallar doğurub. Milli azlıq nümayəndələri gələcəkdə bu proqramın da ləğv oluna biləcəyi barədə maraqlanırlar. Yaxşı olardı ki, bu istiqamət üzrə də detallı şəkildə məlumat verəsiniz”.