Gürcüstan Azərbaycanla sərhəddə əlavə karantin zonası yaradır

Gürcüstan hökumətinin qərarı ilə ölkənin quru sərhəd-keçid məntəqələri yaxınlığında əlavə karantin zonaları yaradılacaq.

“Report”un yerli bürosu xəbər verir ki, bu barədə Gürcüstan baş nazirinin mətbuat katibi İrakli Çikovani bildirib.

Onun sözlərinə görə, əlavə karantin yerləri “Lars”, “Qırmızı körpü” və “Sarp” sərhəd-keçid məntəqlərinə yaxın ərazilərdə təşkil olunacaq.

İ.Çikovani qeyd edib ki, bu, koronavirusla bağlı vəziyyəti daha yaxşı idarə etməyə imkan verəcək.