Gürcüstan XİN rəhbəri və GUAM baş katibi təşkilatın fəaliyyət perspektivlərini müzakirə ediblər

Bakı. 13 dekabr. REPORT.AZ/ GUAM baş katibi Valeri  Çeçelaşvili  Gürcüstana işçi səfəri çərçivəsində  ölkənin xarici işlər naziri Tamar Beruçaşvili ilə görüşüb. "Report" GUAM mətbuat xidmətinə istinadən xəbər verir ki, görüş zamanı tərəflər təşkilatın 2015-ci ildə fəaliyyət perspektivlərini, GAUM formatında əməkdaşlıq layihə və proqramların həyata keçirilmə prosesini, GUAM üzv dövlətləri arasında siyasi əlaqələrin gücləndirilməsini, eləcə də parlamentlərarası əməkdaşlıq və xarici tərəfdaşlarla əməkdaşlıq məsələlərini müzakirə ediblər.