Gennadi Qatilov Rusiya xarici işlər nazirinin müavini vəzifəsindən azad edilib

Bakı. 1 fevral. REPORT.AZ/ Rusiya xarici işlər nazirinin müavini Gennadi Qatilov vəzifəsindən azad edilib.

“Report” RİA "Novosti”yə istinadən xəbər verir ki, Rusiya Prezidenti Vladimir Putin bununla bağlı sərəncam imzalayıb.

Dövlət başçısının digər sərəncamı ilə G.Qatilov Rusiyanın BMT-nin Cenevrədəki daimi nümayəndəsi təyin edilib. O, bu vəzifədə Aleksey Borodavkini əvəz edəcək.

A.Borodavkin 2011-ci ilin dekabrından Cenevrədə bu vəzifədə işləyib.