Bakı. 19 yanvar. REPORT.AZ/ Bu gün Tehran şəhərində Fransanın İrandakı səfirliyi qarşısında "Charlie Hebdo" jurnalında Məhəmməd peyğəmbərin (s.a.v.) karikaturalarının dərc olunmasına qarşı kütləvi nümayiş keçirilib. Bu barədə "Report" ISNA-ya istinadən xəbər verir.
Aksiyanın təşkilatçıları paytaxtın gənclər təşkilatları və Tehran Universitetinin tələbələridir.
Nümayişçilər əllərində fars, ərəb, ingilis, fransız və alman dillərində yazılmış müxtəlif şüarlar olan plakatlar qaldırıblar.