Finlandiya Ukraynaya 8,3 milyon avroluq əlavə hərbi yardım göstərəcək

Finlandiya hakimiyyəti Ukraynaya 8,3 milyon avro məbləğində hərbi yardımın köçürülməsinə qərar verib.

“Report” “Reuters”ə istinadən xəbər verir ki, bu barədə Finlandiya müdafiə naziri Antti Kaykkönen bildirib.

Onun sözlərinə görə, bununla da ölkənin müdafiə ehtiyacları üçün Kiyevə ayırdığı vəsaitin ümumi həcmi 92,3 milyon avro təşkil edəcək.

"Ukraynanın müdafiə mübarizəsi davam edir, yardıma ehtiyac yüksək olaraq qalır", - müdafiə naziri deyib.