Ermənistanın sabiq baş nazirinin kürəkəni işdən çıxarılıb

Bakı. 21 avqust. REPORT.AZ/ Ermənistanın sabiq baş naziri Ovik Abramyanın kürəkəni - Ermənistan Dövlət Gəlirləri Komitəsinin Qərb Gömrük İdarəsinin rəisi Vladimir Tamrazyan tutduğu vəzifədən azad edilib.

"Report" xəbər verir ki, bunu Ermənistanın "Qraparak" qəzeti yazıb. 

Məlumata görə, avqustun 17-də V.Tamrazyanın evində axtarış aparılıb. Qəzet yazıb ki, Yerevanın mərkəzində Ermənistan Akademik Opera və Balet Teatrının binasının yaxınlığında yerləşən mənzildə maskalı əməliyyat qrupu axtarış həyata keçirib.

Həmin vəzifəyə uzun müddətdir Ermənistan Dövlət Gəlirlər Komitəsinin Əməliyyat-Axtarış İdarəsinin rəis müavini vəzifəsini icra edən Melkon Ağacanyan təyin edilib.