Bakı. 26 aprel. REPORT.AZ/ Ermənistanın hakim Respublikaçılar Partiyasının ölkənin baş naziri vəzifəsinə namizədi parlament fraksiyasının iclasında müəyyənləşəcək.
"Report"un "RİA Novosti"yə istinadən verdiyi xəbərə görə, bu barədə Ermənistan parlamentinin vitse-spikeri, Respublikaçılar Partiyasının İdarə Heyətinin üzvü Eduard Şarmazanov məlumat verib.
"Qanuna əsasən, biz bu məsələni aprelin 30-dək həll etməliyik", - o bildirib.
Lakin Eduard Şarmazanov fraksiyanın iclasının nə vaxt keçiriləcəyini deməyib.
Qeyd edək ki, baş nazirin təyinatı ilə bağlı məsələ ölkə parlamentinin mayın 1-də keçiriləcək xüsusi iclasında müzakirə olunacaq.