Ermənistanın baş naziri Gürcüstana rəsmi səfər edəcək

Ermənistanın baş naziri Nikol Paşinyan martın 3-də Gürcüstana rəsmi səfər edəcək.

“Report”un yerli bürosu xəbər verir ki, bu barədə Gürcüstan baş nazirinin Mətbuat Xidməti məlumat yayıb.

Səfər çərçivəsində N.Paşinyan gürcüstanlı həmkarı Giorgi Qaxaria, Gürcüstan prezidenti Salome Zurabişvili və parlamentin sədri Arçil Talakvadze ilə görüşəcək.

Ermənistan hökumət başçısının səfəri martın 4-də başa çatacaq.