Ermənistanda tikinti şirkətinin direktorunun avtomobili atəşə tutulub

Bakı. 13 noyabr. REPORT.AZ/ Ermənistanın Vardenis rayonunda İMPİRQA tikinti şirkətinin direktoru Ruben K.-nın avtomobili avtomat silahdan atəşə tutulub.

“Report” Ermənistan KİV-inə istinadən xəbər verir ki, məlumatı Vardenis rayon Polis İdarəsi yayıb.

İdarədən bildirilib ki, aparılan araşdırmalar nəticəsində atəş açan şəxsin kimliyi müəyyənləşdirilib. Onun tutulması istiqamətində əməliyyat-axtarış tədbirləri həyata keçirilir.

Hadisənin səbəbi araşdırılır.