Ermənistanda işgəncə verməkdə təqsirləndirilən polislərin qohumları İrəvan-Sevan yolunu bağlayıblar

Bakı. 20 oktyabr. REPORT.AZ/ Ermənistanda işgəncə verməkdə təqsirləndirilən polislərin qohumları İrəvan-Sevan yolunu bağlayıblar.

"Report" "Sputnik"ə istinadən xəbər verir ki, onlar polislərin azadlığa buraxılmasını tələb edirlər.

"Heç bir işgəncə olmayıb. Guya işgəncə verdikləri adamın kriminal keçmişi var. O, özü davada iştirak edib, bundan sonra polislərə böhtan atıb", - onlar bildiriblər.

Aksiya yerinə nəqliyyat və rabitə naziri Akop Arşakyan və Qeqarkunik vilayətinin qubernatoru Qnel Sanosyan gəlib.