Ermənistanda COVID-19-dan ölənlərin sayı 2 600-ü ötdü

Ermənistanda daha 920 nəfərdə koronavirus aşkarlanıb.

“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Bununla da Ermənistanda virusa yoluxanların sayı 153 173 olub.

Qeyd olunub ki, ölkədə pandemiyadan ölənlərin sayı 20 nəfər artaraq 2 616-ya çatıb. İndiyədək 131 931 pasiyent infeksiyadan sağalıb.

Hazırda ölkədə 17 976 aktiv koronavirus xəstəsi var.