Ermənistan silahlı qüvvələrinin Aviasiya idarəsinin rəisi işdən çıxarılıb

Ermənistan silahlı qüvvələrinin Aviasiya idarəsinin rəisi Avetik Muradyan işdən çıxarılıb. 

“Report” “Panorama”ya istinadən xəbər verir ki, bununla bağlı ölkə prezidenti Armen Sarkisyan sərəncam imzalayıb. 

A.Muradyan baş nazir Nikol Paşinyanın təqdimatı ilə tutduğu vəzifədən azad olunub. 

Dövlət başçısının digər sərəncamı ilə Qaqik Aslanyan silahlı qüvvələrin Aviasiya idarəsinin rəisi təyin olunub. Onun da təqdimatını N.Paşinyan verib.