Ermənistan prezidentinin ikili vətəndaşlığı məsələsini istintaq araşdıracaq

Ermənistan prezidentinin ikili vətəndaşlığı məsələsini istintaq araşdıracaq Onun Britaniya pasportu isə 2012-ci il martın 1-də ləğv edilib
Region
153
1 Aprel , 2021 18:11
Ermənistan prezidentinin ikili vətəndaşlığı məsələsini istintaq araşdıracaq

Ermənistan Baş Prokurorluğu ölkə prezidenti Armen Sarkisyanın ikili vətəndaşlığı ilə bağlı fakt üzrə cinayət işini Xüsusi İstintaq Xidmətinə göndərib.

“Report” xəbər verir ki, bunu Baş Prokurorluğun müşaviri Qor Abramyan “Sputnik Armeniya”ya bildirib.

“Baş Prokurorluq məsələ ilə bağlı məlumat alıb. Məlumat araşdırılmaq üçün Xüsusi İstintaq Xidmətinə göndərilib. İstintaq işinə başlayıb-başlamamaq barədə qərar bundan sonra veriləcək”, - o deyib.

Qeyd edək ki, Ermənistanda 53 vəkil prezident Armen Sarkisyanın ikili vətəndaşlığı ilə bağlı bəyanat imzalayıb. Onlar bildirib ki, A.Sarkisyan 2003-2012-ci illərdə Böyük Britaniyanın vətəndaşı olub. 2018-ci ildə Ermənistan qanunlarına zidd olaraq prezident seçilib. Ölkə konstitusiyasına əsasən, yalnız 6 il Ermənistan vətəndaşı olan şəxslər prezident seçilə bilər.

A.Sarkisyan 2018-ci il martın 2-də prezident seçilib. Onun Britaniya pasportu isə 2012-ci il martın 1-də ləğv edilib.

Son xəbərlər

Orphus sistemi