Ərdoğan: Türkiyədə koronavirusun yayılması nəzarət altına alınıb

Ərdoğan: Türkiyədə koronavirusun yayılması nəzarət altına alınıb Türkiyə hakimiyyəti daha əvvəl tətbiq edilmiş tam lokdaun sayəsində koronavirusun yayılmasını yenidən nəzarət altına almağa müvəffəq olub
Region
248
17 May , 2021 22:42
Ərdoğan: Türkiyədə koronavirusun yayılması nəzarət altına alınıb
Rəcəb Tayyib Ərdoğan

Türkiyə hakimiyyəti daha əvvəl tətbiq edilmiş tam lokdaun sayəsində koronavirusun ölkədə yayılmasını yenidən nəzarət altına almağa müvəffəq olub.

“Report” xəbər verir ki, bu barədə Türkiyə prezidenti Rəcəb Tayyib Ərdoğan bildirib.

"Biz Ramazan ayı ərzində tətbiq etdiyimiz lokdaun sayəsində pandemiyanı önəmli dərəcədə tam nəzarət altına ala bildik. Nazirlər Kabinetinin iclasında həmçinin ölkədə iyunun 1-dən başlanacaq vəziyyətin normallaşdırılması üzrə tədricən atılacaq addımların ikinci mərhələsini müzakirə etdik", - deyə Türkiyə rəhbəri Ankarada keçirdiyi mətbuat konfransında deyib.

Ərdoğanın sözlərinə görə, Türkiyə həmçinin vaksinləmə prosesini sürətləndirir. "Biz mümkün qədər bütün risk qruplarını, xüsusən müəllimlərimizi sürətlə peyvənd etməyə çalışırıq", - Türkiyə prezidenti qeyd edib.

Rəcəb Tayyib Ərdoğan həmçinin ölkədə koronavirusla mübarizə üçün ciddi məhdudlaşdırıcı tədbirlərin daha lazım olmayacağına ümidini ifadə edib.

Son xəbərlər

Orphus sistemi