Ərdoğan: “Bu əməliyyatı zəfərlə başa çatdıracağıq”

Bakı. 23 yanvar. REPORT.AZ/ “Bu əməliyyatı zəfərlə başa çatdıracağıq, qalib gələcəyik, qətiyyətliyik”.

“Report” TRT-yə istinadən xəbər verir ki, bunu Türkiyə prezidenti Rəcəb Tayyib Ərdoğan “Zeytun budağı” hərəkatı zamanı şəhid olmuş Musa Özalkanın dəfn mərasimində Afrində başlanılan antiterror əməliyyatından danışarkən vurğulayıb.

Şəhidin dəfn mərasimində Türkiyə Böyük Millət Məclisinin sədri İsmail Kahraman, baş nazir Binəli Yıldırım, Cümhurriyyət Xalq Partiyasının sədri Kamal Kılıçdaroğlu, Milliyyətçi Hərəkat Partiyasının sədri Devlet Bahçeli, nazirlər, millət vəkilləri iştirak ediblər.