Ərdoğan ABŞ prezidenti ilə görüşəcəyi tarixi açıqlayıb

Bakı. 20 aprel. REPORT.AZ/ "ABŞ Prezidenti Donald Trampla mayın 16-17-də görüşəcəyəm". 

"Report" NTV-yə istinadən xəbər verir ki, bunu Türkiyə Prezidenti Rəcəb Tayyib Ərdoğan bildirib. 

Qeyd edək ki, Türkiyə prezidenti ABŞ-a səfərinin Ramazan ayından və mayın 24-25-də Brüsseldə keçiriləcək NATO-nun zirvə toplantısından əvvəl gerçəkləşəcəyini söyləmişdi. Səfər zamanı ikitərəfli əlaqələrin inkişafı, bölgədəki, xüsusilə Suriyadakı vəziyyətin müzakirə ediləcəyi ehtimal olunur.