Türkiyə ordusu İraqın şimalında antiterror əməliyyatı keçirib

Bakı. 23 dekabr. REPORT.AZ/ Türkiyə ordusu İraqın şimalında PKK silahlılarına qarşı antiterror əməliyyatı keçirib.

"Report" "Anadolu" agentliyinə istinadən xəbər verir ki, bu barədə ölkənin Hərbi Qüvvələrinin Baş Qərargahı məlumat yayıb.

Xəbərdə bildirilir ki, əməliyyat zamanı 2 PKK terrorçusu zərərsizləşdirilib. Məlumata görə, onlar Türkiyənin hərbi bazasına hücuma hazırlaşırmış.

Hava əməliyyatı zamanı həmçinin terrorçuların anbarı və sığınacağı da məhv edilib.