Əfqanıstanda 30-a yaxın Gürcüstan hərbçisi koronavirusa yoluxub

Əfqanıstanda NATO-nun sülhməramlı missiyasında iştirak edən Gürcüstanın 28 hərbçisində koronavirus təsdiqlənib.

"Report"un yerli bürosu xəbər verir ki, bu barədə Gürcüstanın Müdafiə Nazirliyi məlumat yayıb.

Hərbi qulluqçular xüsusi aviareyslə Gürcüstana gətiriliblər. Onlar Qori Hərbi Hospitalında müalicə olunurlar və hazırkı vəziyyətləri qənaətbəxş qiymətləndirilir.