Dünya Bankı Gürcüstana əlavə 45 milyon avro yardım edəcək

Dünya Bankı (DB) Gürcüstana əlavə olaraq 45 milyon avro məbləğində maliyyə yardımı ayıracaq.

“Report”un yerli bürosu xəbər verir ki, bu barədə DB-nin Gürcüstan bölməsindən bildirilib.

Gürcüstan hökuməti vəsaiti COVID-19 pandemiyasının yaratdığı maliyyə defisitinin aradan qaldırılmasına yönəldəcək.

Bankdan qeyd olunub ki, pandemiya dövründə Gürcüstan tətbiq etdiyi məhdudiyyətlərlə koronavirusun yayılmasının qarşısını uğurla alıb.