Bakı. 1 dekabr. REPORT.AZ/ "Türkiyə Rusiya Federasiyası tərəfindən tətbiq olunan qadağalarla bağlı ən mənfi ssenariyə hazırdır. Ancaq, hesab edirəm ki, vəziyyət bu həddə çatmamalıdır".
"Report"un "NTV" telekanalına istinadən verdiyi xəbərə görə, bunu Türkiyənin Baş naziri Əhməd Davudoğlu yerli telekanallara müsahibəsində bildirib.
Onun sözlərinə görə, Türkiyə hökuməti yaxın vaxtlarda Moskvanın qadağa siyasətinin təsirini azaltmaq üçün xüsusi tədbirlər planı açıqlayacaq.
"Hər iki ölkə mənfi nəticələrlə üzləşəcək. Odur ki, ən doğru yol - danışıqlar prosesidir", - deyə Davudoğlu vurğulayıb.