Dağıstanda yol-patrul xidmətinin əməkdaşlarına hücum zamanı 3 nəfər öldürülüb

Bakı. 21 iyul. REPORT.AZ/ Dağıstanda yol-patrul xidmətinə hücum zamanı 3 polis öldürülüb.

"Report" Rusiya mətbuatına istinadən xəbər verir ki, faktı Dağıstanın Daxili İşlər Nazirliyindən təsdiqləyiblər. 

Qeyd edək ki, hadisə Stalsk-Kizlyurt yolunda baş verib. Qara rəngli "LADA Priora" avtomobilindən yol-patrul xidmətinin əməkdaşlarına atəş açan cinayətkarlar 2 nəfəri öldürüb, daha 1 nəfəri isə yaralayıblar. Yaralı xəstəxanaya yerləşdirilib. Lakin həkimlər onun həyatını xilas edə bilməyiblər.

Hücum edən cinayətkarların sayı məlum deyil. Onlar ərazidən avtomobillə uzaqlaşıblar. Cinayətkarların axtarışı ilə bağlı xüsusi əməliyyat keçirilir.