Bakı. 5 fevral. REPORT.AZ/ Dağıstan Respublikasının baş naziri vəzifəsini müvəqqəti icra edən Abdusamad Həmidovun evində həyata keçirilən axtarışlar zamanı "TT" markalı qızıl tapança, "Beretta" markalı tapançalar, "Makarov" tipli tapança və iki Kalaşnikov avtomatı, eləcə də döyüş sursatları aşkar edilərək müsadirə olunub.
"Report" "RİA Novosti"yə istinadən xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko məlumat verib.
Onun sözlərinə görə, Dağıstanda saxlanılan məmurlar sosial proqramların reallaşdırılması üçün büdcədən ayrılan vəsaitlərin mənimsənilməsi işi üzrə şübhəli bilinənlərdən.
"Yaxın zamanda bütün saxlanılan şəxslərə qarşı ittiham irəli sürüləcək və məhəkəmə qarşısında onlar barəsində həbs qətimkan tədbirinin seçilməsi tələbi ilə vəsatət qaldırılacaq", - qurum rəsmisi vurğulayıb.