Bakı. 13 mart. REPORT.AZ/ Rusiyanın “Dağıstan” raketdaşıyan gəmisi Xəzər dənizində araşdırma aparacaq.
“Report” TASS-a istinadən xəbər verir ki, bu barədə Rusiya Cənub Hərbi Dairəsinin mətbuat xidmətindən bildirilib.
"Dağstan” gəmisində donanmanın mütəxəssisləri döyüş hazırlıqlarının elementlərini idarə etmək üçün Xəzər dənizi rayonunda nəqliyyat-hidroqrafik araşdırma aparacaq”, - məlumatda vurğulanıb.
Qeyd edək ki, “Dağıstan” raketdaşıyan gəmisi 2003-cü ildə Xəzər Dəniz Donanmasına verilib. Bu gəmi 2015-ci ilin oktyabr və noyabr aylarında “Kalibr NK” raket vasitəsilə Suriya ərazisində terrorçu İŞİD qruplaşmasının mövqelərinə zərbə endirib.