Bakı. 13 mart. REPORT.AZ/ Çanaqqala zəfərinin 100-cü ildönümü tədbirlərini izləmək üçün 12 ölkədən 455 mətbuat işçisi qeydiyyatdan keçib.
"Report" "canakkaleolay"ya istinadən xəbər verir ki, bunu hökumətin yerli mətbuat və informasiya xidmətinin müdiri Murad Dərəli bildirib.
Onun sözlərinə görə, Çin, Fransa, Almaniya, Fələstin, ABŞ, Azərbaycan, Qətər, İraq, İran, Avstraliya və İngiltərədən jurnalistlər Çanaqqalaya gedəcək.
M.Dərəli deyib ki, ötən il keçirilən tədbiri 240 mətbuat işçisi izləyib.